Siç raporton e përditshmja spanjolle Sport, Barcelona kërkon t’i ofrojë një kontratë pesëvjeçare Jordi Alba-s.
Kontrata e mbrojtësit të majtë spanjoll skadon në vitin 2020.
Pas rinovimit me trajnerin Ernesto Valverde, klubi katalanas kërkon të blindojë edhe 29-vjeçarin.
Kontrata pesëvjeçare do të thotë se lojtari i përfaqësueses spanjolle me shumë mundësi do ta mbyllë karrierën te Barça.
Ka kohë që përflitet për një rinovim të lojtarit, teksa vetë Alba është shprehur se po pret ofertën e klubit.
Tashmë ajo thuhet të ketë ardhur dhe ai me shumë mundësi do ta firmosë pasi objektivi i tij është të qëndrojë në Camp Nou.