Manchester United ka kaluar në avantazh në minutën e nëntë në gjysmëfinalen ndaj Romës, por italianët i janë kundërpërgjigjur menjëherë.
“Djajtë e Kuq” shënuan me anë të Bruno Fernandes, i cili finalizoi një aksion shumë të bukur. Pasimi i Cavanit për portugezin ishte perfekt dhe Fernandes mposhti portierin Pau Lopez me një parabël fantastike.
Gjithsesi, avantazhi zgjati shumë pak, pasi Roma fitoi një 11-metërsh pas prekjes me dorë nga Paul Pogba. Pellegrini e mori përsipër dhe shënoi, duke çuar rezultatin në 1-1.
