Trajneri i Laçit, Starova, ka folur për humbjen e pësuar kundër Tiranës në një intervistë të dhënë për emisionin "Gol pas Goli".
"Sot kam parë gabime që nuk i kisha parë ndonjëherë. Tirana shfrytëzoi avantazhin piskologjik që kishte, sepse edhe një pikë i bënte punë. Më pas humbëm edhe penalltinë për të barazuar dhe të rikuperonim gabimet e bëra në fillim".
"Do të festoj me Partizanin? Ndoshta në ditët në vijim, por jo sot, sepse jam i mërzitur nga humbja. Do të kem kohë t'i uroj".
"Sot është java e parafundit dhe ne kemi qenë në garë për një vend në Europë deri tani. Sigurisht, nuk kemi pasur fat në marrjen e disa lojtarëve në janar, një pjesë të të cilëve nuk arritën të kapin formacionin. Por kemi bërë mirë edhe me organikën që kemi pasur", ka thënë Starova.