Piloti italian Fabio Di Giannantonio siguroi sot pasdite “pole position” në pistën e Mugello, ku ditën e diel do të zhvillohet gara e Cmimit të Madh të Italisë në MotoGP. Kjo është hera e parë që ky pilot siguron “pole”, një emër i panjohur, që garon me skuadrën e Ducati Gresini (i 22-ti në renditjen botërore).
The Ducati's have all been exchanging fastest laps! 😮
VBut @FabioDiggia49's back on top! 🔥 #MotoGP | #ItalianGP 🇮🇹 pic.twitter.com/nxIwGLauKG
— MotoGP™🏁 (@MotoGP) May 28, 2022
Ai dha kohën 1’46”410 në pistën e Mugello, koha më e shpejtë e provave zyrtare, vendosur në një pistë të lagur për shkak të shiut. Di Giannantonio interpretoi më mirë se të gjithë në pistën e lagur, duke lënë pas dy pilotë të tjerë italianë, Marco Bezzecchi dhe Luca Marini. Pra, dy debutues të MotoGP renditen në dy vendet e para.
Këta të dy garojnë për skuadrën e Valentino Rossi, Mooney VR46 Racing Team, që për herë të parë renditen kaq mirë në provat zyrtare. Pra, një “show” i pilotëve italianë, që në pistën e shtëpisë bënë ligjin. Në vendin e gjashtë u rendit kampioni i botës në fuqi, Fabio Quartararo me Yamaha.
Two rookies in the top 2! 😎@Marco12_B starts 2nd for tomorrow's #ItalianGP 🙌#MotoGP pic.twitter.com/zo07RTAO5H
— MotoGP™🏁 (@MotoGP) May 28, 2022