Mix Bota

Surprizon austriaku Max Franz, fiton garën e zbritjes së lirë në Kanada

Surpriza në garën e zbritjes së lirë për meshkuj, zhvilluar në pistën legjendare të Lake Louise në Kanada. Fiktues i kësaj gare ka dalë skiatori austriak Max Franz, që pas dy zbritjesh dha kohën e përgjithshme 1’46”18, duke lënë pas dy skiatorët italianë, Kristoff Innerhofer (i dyti) dhe Dominic Paris (i treti).

Zhgënjyen në këtë garë dy skiatorët pretendentë për fitimin e kësaj gare, Svindal dhe Feuz, që u renditën në “top-10”, por nuk ishin aq të shpejtë sa pritej, duke mos dueluar dot për fitore. Austriaku Franz e dominoi garën në të dyja zbritjet dhe e meritoi fitoren, duke qenë më i shpejti në pistë.

Po në këtë pistë do të zhvillohet edhe gara e radhës e Kupës së Botës në ski, ajo e supergjigandit, ndërkohë që Kupa e Botës kryesohet nga austriaku  Marcel Hirsher.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Mix Bota