Takaj: Vetëm “Air Albania” i plotëson kushtet e protokollit, asnjë tjetër

13 Maj 2020
14:14
Alfred Lleshi

Mjaft skeptik është shprehur mbas mbledhjes me FSHF-në, ku u vendos rifillimi i kampionatit të Superiores më 3 qershor, presidenti i Skënderbeut, Ardian Takaj: “Ne kemi zbatuar ligjin, që nuk lejohet të stërvitesh, ndërkohë që disa skuadra janë stërvitur. Nuk mund të merrem me ekipet, kush e ka bërë këtë dhe kush jo. Janë specialistët e trajnimit, ata që vendosin.

Unë isha për datën 7 qershor, por u vendos data 3. Megjithatë, e rëndësishme është që të rifillojë futbolli. Kishte nga të gjitha diskutimet dhe propozimet. Kjo situatë do të na rëndojë financiarisht. Masat që janë marrë janë shtesë për buxhetet tona. Hotelet dhe mjetet e transportit janë me kosto dopio. Këto duhet t’i paguajë klubi. Verë do të jetë, kalendar i ngjeshur, të shikojmë nëse do të kemi edhe dëmtime. Jemi pjesë e riskut.

Nuk besoj se e kemi infrastrukturën për t’i zbatuar 100% masat e vendosura në protokoll. Vetëm “Air Albania” i plotëson kushtet, asnjë stadium tjetër nuk i plotëson. Tamponët? Janë gjëra që nuk më takojnë mua, por mjekëve. Nëse do t’iu bazohemi kushteve të marra në kampionatet e tjera, ne nuk rifillojmë dot. Ka kontrast të madh, jemi në situata të pabarabarta”.

 

Lajme të tjera

Lajmet e fundit