Nga Mavrova e Maqedonisë së Veriut, ku Kukësi po zhvillon një fazë opërgatitore para sezonit të ri, Olsi Teqja flet si lider. Edhe pse ka vetëm 6 muaj te verilindorët, mbrojtësi kryeqytetas ka fituar një trofe me nënkampionët, ndërsa ia ka vënë syrin Superkupës së Shqipërisë, që do të luhet më 18 gusht, ndaj Partizanit. Në intervistën e dhënë për faqen zyrtare të klubit, 31-vjeçari analizon kushtet e stërvitjes, punën që po bëhet, merkaton e pritshme dhe objektivat:

“Kushtët janë shumë të mira, temperaturat normale, jo vapë si në Shqipëri. Po punojmë me seriozitet. Presim të kemi plotësime në repartin e mbrojtjes. Me këtë gjë po merren drejtuesit, pasi kanë bërë analizën e duhur të situatës. Ata e dinë se ku çalon ekipi. Shpresoj të kemi përforcime shumë të mira, sepse kështu mund të jemi ekip konkurrues në sezonin e ri. Tani e kam eksperiencën e duhur për ta drejtuar repartin e mbrojtjes.

Është një përgjegjësi shumë e madhe, sepse edhe ata që kanë qenë para meje kanë bërë shumë mirë, kanë fituar çdo trofe të mundshëm. Ata janë për t’u përshëndetur. Personalisht e kam filluar mbarë me Kukësin. Në gjashtë muaj fitova një trofe, Kupën e Shqipërisë. Shpresoj që së shpejti të fitoj edhe Superkupën e Shqipërisë. Objektivat? Kukësi futet çdo sezon me pretendime të mëdha.

Nuk duhet të shohim çfarë bëjnë dhe synojnë rivalët, por të përqendrohemi te vetvetja. Diferencat mes ekipeve në Superiore janë shumë të vogla. Shpresoj të bëjmë përforcimet e duhura. Nuk na duhet një fryrje e grupit sa për numër, por cilësi në pozicione të veçanta. Me një grup solid, ku mbizotëron konkurrenca, e kemi rrugën e hapur drejt sukseseve të mëdha”.

Teqja: Në 6 muaj si “kuksian” fitova një trofe, e ka radhën Superkupa

Kukësi

Kukësi

Teqja: Në 6 muaj si “kuksian” fitova një trofe, e ka radhën Superkupa

11 Gusht 2019

12:58

11 Gusht 2019

12:58

Lajmet e fundit

Duke marrë artikujt

Lajme nga Kukësi

Duke marrë artikujt

Lajme të tjera

Lajmet e fundit