Conor McGregor do të nisë ankandin për të gjetur një trajneri të ri, pasi bashkëpunimi mes ish-kampionit të botës në artet marciale mikse dhe trajnerit të tij John Kavanagh duket se është mbyllur. “Duhet të më bindë për të vijuar bashkëpunimin. Unë e dua shumë atë njeri, kemi kaluar shumë mirë bashkë, kemi patur një rrugëtim të jashtëzakonshëm, por më duhet një arsye e fortë prej tij që të vazhdojmë sërish bashkëpunimin”, tha Kavanagh.

Pak kohë më parë,   trajneri deklaroi se prej dy muajsh nuk ka asnjë komunikim me McGregor, që pas humbjes ndaj Khabib Nurmagomedov në eventin UFC-229 (6 tetor, në Las Vegas). Kavanagh u shpreh se nuk ka asnjë informacionin në lidhje me të ardhmen e McGregor. “Mund të duelojë ndaj Nate Diaz, pasi e ka premtuar këtë duel, ndoshta zhvillon revanshin ndaj Nurmagomedov. Nuk e di”, tha Kavanagh, që duket se ka vendosur të ndalë bashkëpunimin me McGregor.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.