Është luajtur java e 9-të dhe e parafundit e fazës së parë të Superligës në basketboll për meshkuj. Teuta ka triumfuar 87-83 në Shkodër ndaj Vllaznisë, në një ndeshje me rivalitet dhe emocione deri në fund, madje hera-herës edhe të tensionuar.
Ndryshimi i trajnerit nuk ka sjellë sukses te Vllaznia, që pas kësaj humbje zbret në vendin e katërt, ndërsa durrsakët ruajnë kreun.
Fiton Goga Basket, që mundi 107-98 Partizanin, një përballje mes dy ekipesh që synojnë titullin këtë sezon. Sfidë emocionuese, me të “kuqtë” që tentuan surprizën, por pa sukses.
Fiton edhe Tirana, që mundi 92-52 Barleti Eagles, duke iu larguar fundit. Bardheblutë e dominuan takimin dhe e merituan fitoren, ndërsa Eagles janë ende pa asnjë fitore në kampionat në debutimin e tyre në Superligë.
Superliga – Meshkuj, Java e 9-të
Goga Basket – Partizani, 107-98
Vllaznia – Teuta, 83-87
Barleti Eagles – Tirana, 52-92
Renditja: Teuta 17 pikë, Goga Basket 15 pikë, Partizani 14 pikë, Vllaznia 14 pikë, Tirana 12 pikë, Barleti Eagles 9 pikë.