Teuta “rrëmben” një tjetër amerikan, nga Vllaznia largohet i “padëshiruari”

24 Janar 2023
11:02
Gentian Spiri

Në prag të fillimit të fazës së dytë të Kampionatit Kombëtar në basketboll për meshkuj, skuadrat që militojnë në Superligë kanë nisur të kryejnë përforcimet e radhës. Kështu, ekipi i Teutës ka zyrtarizuar transferimin e basketbollistit amerikan Malik Miller.

23-vjeçari luan në qendër dhe pritet të japë një ndihmë të madhe te durrsakët në fitimin e titullit kampion. Sipas klubit të Teutës, lojtari do të jetë një përforccim me vlera, një basketbollist që për herë të parë luan në Europë.

Ndërkohë, Vllaznia, pasi zyrtarizoi afrimin e Eric Cooper Jr, ka larguar nga radhët e saj basketbollistin amerikan Jarius Jathniel Shumpert. Ky i fundit pat ardhur në nëntor të vitit të kaluar, por paraqitja e tij në parket ishte larg pritshmërive, ndaj dhe palët kanë mbyllur para kohe kontratën.

Lajme të tjera

Lajmet e fundit