Lilian Thuram, një ish-futbollist i Barcelonës, ka rrëfyer se do të dëshironte që djali i tij Marcus, sulmuesi aktual i Borussia Mönchengladbach dhe i kombëtares franceze, të nënshkruante për ekipin katalanas një ditë. Ish-futbollisti i skuadrës Blaugrana midis 2006 dhe 2008 ndodhet në Barcelonë për të prezantuar librin e tij, në të cilin denoncon racizmin ekzistues në shoqëri.

Emri i djalit të tij, Marcus Thuram, është lidhur në disa raste me Barçën dhe babai i tij iu drejtua ironisë: “Nëse ma jepni kontratën, nëse e keni, do ta nënshkruaja direkt. Sidoqoftë, e rëndësishme është që Marcus të vazhdojë të rritet si futbollist”.

Disa orë më parë, në një intervistë për ‘Rac 1’, ai kishte komentuar tashmë: “Unë dua më të mirën për fëmijët e mi. Që Marcus të luajë për Barçën do të ishte një ëndërr”. Sulmuesi francez përfundon kontratën e tij në vitin 2023 dhe ndiqet nga klubet e Premier League si Chelsea.

Thuram e njeh mirë Barçën, me të cilën mbetet i lidhur pas kohës së tij si futbollist në “Camp Nou” midis viteve 2006 dhe 2008. Ai ishte shok skuadre me Xavi Hernández, ndaj vlerësoi punën e trajnerit aktual të Barçës:

“Pak nga pak katalanasit po bëhen sërish një skuadër e madhe. Ata tashmë janë liderë në La Liga dhe kjo më bën të lumtur, për Barçën dhe për Xavin. Ai po bën shumë mirë. Është shumë i ri dhe do të fitojë shumë tituj me Barçën”.

Ai nuk kurseu as lëvdata për bashkatdhetarin Ousmane Dembélé: “Është një lojtar i jashtëzakonshëm, i aftë për të bërë gjëra fantastike; nuk ka shumë lojtarë si ai. Karriera e tij ka ecur shumë shpejt. Tani është 25 vjeç dhe sigurisht e shoh më të fortë mendërisht dhe më vendimtar”.

Lilian Thuram njohu projeksionin e madh të futbollistëve të rinj që janë vendosur në skuadrën titullare të Barçës, pavarësisht moshës së tyre: “Pedri dhe Gavi janë dy futbollistë që do të kenë një karrierë shumë të gjatë këtu. Nëse ata startojnë te Barça në këtë moshë, janë vërtet shumë të mirë”.