Planet e Arsenal do të varen shumë nga finalja e Europa League në Baku javën e ardhshme.
Pasi përfundoi në vend të pestë të Premier League, skuadra e Unai Emery duhet të fitojë finalen e Europa League për t’u kualifikuar në Champions League sezonin e ardhshëm.
Gjithsesi, konkurrenca do të jetë shumë e fortë pasi rivalët e Londrës Chelsea ndodhen në një moment të mirë.
Për të ndryshuar pak atmosferën e tensionuar në kampin e Topçinjve, tifozët mund të kënaqen me fanellën e sezonit të ardhshëm.
Arsenal tashmë do të sponsorizohet nga Adidas pas marrëveshjes 70 milionë euro dhe tifozët janë dashuruar me fanellën e re.
Një foto e Aubameyang dhe Lacazette të veshur me fanellat e reja ka bërë xhiro në rrjetet sociale.