Tifozët e Chelsea-t kanë vendosur të bojkotojnë Maurizio Sarri-n. Humbja e pësuar kundër Everton-it në javën e fundit të Premier League ka bërë që mbështetësit e londinezëve të humbin durim.
Pjesa më e madhe e tyre nuk ka qenë aspak e kënaqur me stilin e lojës të trajnerit italian dhe tani, sipas shtypit anglez, një pjesë e tifozëve të abonuar kanë vendosur të shesin biletat për tri ndeshjet e ardhshme që Chelsea do të luajë në shtëpi, kundër Brighton, West Ham dhe Burnley.
Në mes është edhe ndeshja e Europa League kundër Slavia Prague, që pritet të jetë shumë zhgënjyese për sa i takon të ardhurave nga shitja e biletave. Një sinjal i qartë për presidentin Abramovich: Maurizio Sarri nuk pëlqehet aspak nga tifozët.