Marash Kumbulla ishte surpriza më e bukur për shqiptarët dhe sidomos për tifozët e Veronas këtë sezon në Serie A. Ende 20 vjeç por me potencial të jashtëzakonshëm, djaloshi i rritur në Itali po ndiqet nga shumë skuadra me emër, por ende nuk ka vendosur se ku do të vazhdojë karrierën e tij.
Ndërkohë, tifozët verdheblu e kanë kurorëzuar që tani si pjesë e 20 lojtarëve më të mirë që kanë veshur fanelën e Veronas në histori, në një sondazh që faqja Hellascalcio.it ka bërë kohët e fundit.
Me vetëm 18 ndeshje këtë sezon në Serie A, futbollisti nga Malësia e Madhe ka bërë për vetë publikun veronez, teksa bashkë me Rrahmanin kanë fuqizuar prapavijën duke u bërë në disa ndeshje të pakalueshëm.
