Charles Leclerc me Ferrari siguroi pasditen e sotme “pole position” në pistën e Montmelo (Barcelonë), të vlefshëm për garën e Çmimit të Madh të Spanjës në Formula 1. Ferrari rikthehet makina më e shpejtë, duke dhënë kohën 1’18”750, në një sfidë të fortë me Red Bull e Mercedes. Makina gjermane rikthehet protagoniste në këtë pistë, duke rivalizuar me dy të tjerat.
VIDEO
Në vendin e dytë u klasifilkua kampioni i botës në fuqi, holandezi Max Verstappen me Red Bull. Në përpjekjen e tij të fundit për “pole” ai pati një probleme në njëvendëshen e tij, duke mos dhënë kohë. Gjithsesi, ai do ta nisë garën nga vija e parë e startit. Në vendin e tretë u rendit makina tjetër Ferrari, ajo e spanjollit Carlos Sainz, që sot pati mbështetjen e publikut të tij.
POLE for @Charles_Leclerc! 👏👏👏 #SpanishGP #F1 pic.twitter.com/yerg6UaI8O
— Formula 1 (@F1) May 21, 2022
Mirë u paraqitën dy makinat Mercedes, në vendet 4 e 6 me britanikët George Russell e Lewis Hamilton, që synuan edhe “pole”. Mes tyre u rendit makina tjetër Red Bull, ajo e meksikanit Sergio Perez. Në “top-10” më të mirët e provave zyrtare edhe Bottas, Magnussen, Ricciardo e Mick Schumacher. Të dielën, ora 15:00, do të zhvillohet gara e gjashtë sezonale.
🏁 END OF QUALIFYING 🏁
TOP 10
Leclerc 👋
Verstappen
Sainz
Russell
Perez
Hamilton
Bottas
Magnussen ⁰
Ricciardo
Schumacher #SpanishGP #F1 pic.twitter.com/JvIMHtFcj9— Formula 1 (@F1) May 21, 2022
