Historia e dashurisë mes Francesco Totti dhe Noemi Bocchi po vazhdon me shpejtësi. Një vit pas ndarjes së ish-futbollistit nga tashmë ish-bashkëshortja Ilary Blasi, marrëdhënia mes të dyve është më e fortë dhe më solide se kurrë.
Çifti, të cilët jetojnë së bashku në një apartament në veri të Romës që nga vjeshta e kaluar, u kapën nga paparacët e “Chi”, teksa bënin banjë dielli në ballkon, me këmbët e tyre të mbështetura në parmakë. Njëri pranë tjetrit, në një të diel “normale” kushtuar diellit dhe intimitetit.
Totti dhe Noemi u fotografuan më vonë ndërsa, duke hipur në një skuter, shkonin në supermarketin më të afërt për të bërë pazarin. Ndërkohë, beteja ligjore mes Tottit dhe Ilary vazhdon. Të dy së fundmi janë përplasur mbi “Longaria”, shkollën e futbollit të ish-kapitenit të Romës, e cila vitet e fundit drejtohej nga të afërm të prezantueses së “L’Isola dei Famosi”.
Më 30 qershor, familja Blasi, pas vendimit të gjyqtarit, do të duhet të largohet nga objekti, por ditët e fundit në objekt janë vendosur kyçe, të cilët i kanë penguar fëmijët dhe të rinjtë, të cilët tashmë kishin paguar tarifën vjetore, të stërviten. Për këtë arsye, në orët e fundit, Riccardo Totti, që përfaqëson vëllain e tij Francesco, ka bërë kallëzim penal në Prokurorinë Publike.