Së pari, ai ndaloi së luajturi, pastaj u tërhoq nga përfaqësimi i Romës edhe si menaxher. Sidoqoftë, lidhja Totti-Roma ende vazhdon dhe do të vijojë përgjithmonë. Numri historik 10 i verdhekuqve është protagonist i episodit të ri të formatit DAZN, “Linea Diletta”. I intervistuar brenda shkollës së tij të futbollit, “Shkolla e Futbollit Totti”, legjenda e kryeqytetasve foli për momentin e tij aktual: 

“Prokurator është një fjalë e vjetër, e tejkaluar. Unë do të doja të kërkoja lojtarë të rinj të talentuar. Kjo punë më tërheq, por jo të quhem prokurator (menaxher). Kam pikasur disa të rinj interesantë, përfshirë italianë. Unë gjithmonë mbetem i përfshirë në futboll, më pëlqen të di se çfarë është përtej asaj që duket. E ardhmja me siguri përmban gjëra pozitive. Mezi pres të mësoj atë që ka rezervuar për mua”.

Duke kujtuar disa pasazhe kryesore të karrierës së tij, Francesco Totti ka përmendur “lugën” (panenka) e famshme ndaj Van Der Sar në “Euro 2000”, si dhe penalltinë historike kundër Australisë, në Kupën e Botës 2006, ku Italia e tij triumfoi: “Duket sikur unë vetëm e godita atë penallti, megjithatë kompletimi i “lugës” është i vështirë. Para se ta shkelmosh penalltinë, duhet ta keni menduar tashmë se ku do të dëshironit ta dërgonit topin. Nëse mendoni për “lugën” do të thotë që keni një kokë të veçantë, kërkon pak çmenduri. Topi duhet të goditet nën të, duhet të jetë gjuajtje e shtrënguar, sikur merrni krem me akullore”.

Mbi karrierën e tij të shkurtër si menaxher, Totti tha: “Si futbollist isha më shumë vetvetja. Si menaxher duhet të jeni më i qetë, të kini kujdes për atë që thoni, kundër kujt i thoni… Fjalët janë themelore. Kishte ndeshje në të cilat doja ta hiqja xhaketën dhe të zbrisja në fushë. Nga jashtë, futbolli është më i lehtë për t’u analizuar dhe gjykuar. Unë që e kam provuar edhe fushën, e di që gjërat shihen në një mënyrë krejtësisht të ndryshme nga jashtë. A do të kthehem përsëri te Roma? Kurrë mos thuaj kurrë! Mund ta them fjalën time përsëri”.