Tre kërkesat e Inzaghit: ja çfarë kërkon për të qëndruar tek Inter-i

1 Mars 2024
16:00
Denis Hakanaj
back button

Pas fitores ndaj Atalantas, Interi ka nisur të shohë vijën e finishit. Avantazhi ndaj Juventusit është rritur në 12 pikë, fuqia e tepërt e shprehur në fushë nga zikaltërit duket e vështirë për t’u vënë në dyshim në dymbëdhjetë ndeshjet e fundit.

Simone Inzaghi merr shumë merita, siç duhet, pasi ka ndërtuar një ekip të ndërgjegjshëm, teknikisht dhe taktikisht solid, që mund të luftojë sërish me të gjithë në Europë.

Trajneri i zikaltërve është një nga protagonistët e padiskutueshëm të një udhëtimi të madh dhe jo rastësisht ka interesim për të nga klube të mëdha, veçanërisht nga Premier League.

Zëra që pas ndeshjes ndaj Atalantës i largoi duke menduar vetëm për të tashmen. Por tani, krahasuar me vitin e kaluar, ai ka avantazhin për rinovimin e kontratës.

Marrëveshja mund të zgjatet deri në vitin 2026, por sipas ‘Tuttosport’ Inzaghi mund të kërkojë një kontratë edhe më të gjatë.

Jo vetëm kaq: ndër kërkesat e tij është të ndikojë në zgjedhjet e merkatos (vitin e kaluar e kishte të vështirë të hiqte dorë nga shumë lojtarë të rëndësishëm) dhe shpërblim më të madh profesional dhe ekonomik për stafin e tij.

Nga ana e klubit do të kishte një dëshirë për ta kënaqur atë, edhe falë 150 milionë të ardhurave për pesë vitet e ardhshme që do të vijnë nga marrëveshja me sponsorin Betsson. Burimet që do të përdoren për rinovime të rëndësishme dhe përforcime të nivelit të lartë.

Lajme të tjera

Lajmet e fundit