Ndërhyrje urgjente në mesfushë! Milani i këtij sezoni u karakterizua nga etapa Giamapolo por sidomos ajo Pioli, ku trajneri aktual gjeti sistemin perfekt me 4-2-3-1, duke vendosur Kessie dhe Bennacer në qendër si diga dhe formuar më pas një rrezatim tekniko-tatik pas sulmuesit të vetëm…
Por, që sezonin e ardhshëm të funksionojë në mënyrë perfekte, duhet që mesfushorët të kenë ndërrime cilësore pas tyre dhe alternativa që mund t’i japin qetësinë e një ndeshje pushim…
Kështu, drejtuesit kuqezi po studiojnë pikërisht alternativat dhe objektivat në pikën nevralgjike të fushës: mesfusha.
Biglia dhe Bonaventura janë larguar, ndërsa e ardhmja e Krunic është e pasigurt, ashtu si Paqueta.
Prandaj, duhen alternativa për dy lojtarët shumë titullarë të Milanit, gjithashtu sepse, në rast kualifikimi për fazën grupore të Europa League, numri i ndeshjeve që do të luhen do të jetë shumë i lartë dhe për këtë arsye Kessie dhe Bennacer nuk mund të jenë të mjaftueshëm.
Këtë mëngjes La Gazzetta dello Sport raporton se Milani, për të forcuar mesfushën, aktualisht ka tre lojtarë në fokus: ata janë Tiemoué Bakayoko, Matteo Pessina dhe Florentino Luis. Francezi nuk e ka fshehur kurrë dëshirën e tij për t’u rikthyer te kuqezinjtë dhe madje në orët e fundit ai ka dërguar mesazhe në klub. Francezi është i gatshëm të ulë pagën e tij, por Milani tani duhet të gjejë një marrëveshje me Chelsea: kërkesë prej 20 milion eurosh, ofertë prej 15. Javën tjetër mund të ketë lajme për këtë marrëveshje.
PESSINA DHE FLORENTINO – Sa për Pessina, kartoni e tij është në pronësi të Atalanta, e cila megjithatë nuk duket e gatshme ta mbajë atë. Verona me kënaqësi do ta merrte përsëri në hua për një sezon tjetër, por Milani mund të futet në këtë operacion pasi zotëron 50% të kartonit në rast rishitje, ndaj edhe do të mjaftohej duke ofruar gjysmën e vlerës reale të lojtarit.
Në fund, interesi i Djallit është gjithnjë i gjallë edhe për Florentino Luis del Benfica: portugezët kërkojnë të paktën 30 milion euro, por formula studimore alternative për blerjen e plotë mund të jetë një hua vjetore ose dy-vjeçare me të drejtë ose detyrim pagesë.
