E enjtja e kupave europiane ka dhuruar emocione të forta deri në minutën e fundit. Mes gjysmëfinaleve të Europa League dhe Conference League, katër ndeshje shumë të luftuara.

Një nga këto ka qenë ajo e luajtur mes AZ Alkmaar dhe West Ham, në gjysmëfinalet e Conference League. Edhe kjo e pasigurt deri në fund, pas fitores 2-1 me përmbysje të londinezëve në ndeshjen e parë.

Rezultati ka qenë në dyshim deri në minutën e 94-të, kur anglezët e trajnerit David Moyes i vunë vulën përfundimtare kualifikimit për në finalen e Pragës me golin e spanjollit Pablo Fornals.

Por në fund të ndeshjes, në Holandë, ndodhën episode të rënda dhe të papërshkrueshme, të cilat i përfshinë lojtarët anglezë.

Tensionet shpërthyen vonë në ndeshje ndërsa britanikët brohorisnin në sektorin e tyre. Në pak çaste, nga brohoritjet e gëzimit, kaluan në përballje fizike.

Në të vërtetë, ultrasit e AZ sulmuan pjesën e tribunës të rezervuar për familjet e lojtarëve të West Ham.

Me këta të fundit që reaguan menjëherë ndaj sulmit duke u përballur me tifozët kundërshtarë, ndërsa të tjerët u jepnin udhëzime nga fusha familjarëve të tyre që të qëndronin të sigurt.

Situata u qetësua me vështirësi pas disa çastesh paniku, pa pasoja të theksuara, por masa të rëndësishme nga UEFA janë të parashikueshme.

West Ham players clashing with AZ stewards because their families were being harassed by AZ fans in the stands! 🏴󠁧󠁢󠁥󠁮󠁧󠁿👊 pic.twitter.com/7nUFp0lLWX

— Football Fights (@footbalIfights) May 18, 2023

didn’t know chef dave was a west ham fan https://t.co/bVahgOCWhA

— Pat (@Patshannahan01) May 19, 2023