Alex Krassyuk, menaxheri i boksierit ukrainas Oleksandr Usyk, kampion bote në peshën e rëndë (WBA, WBO, IBF), u shpreh se britaniku Tyson Fury (kampion në WBC) nuk ka asnjë shans për të triumfuar ndaj Usyk, nëse ata të dy do të zhvillojnë një duel për të unifikuar titujt e këtij Divizioni. ai tha se edhe Wilder është në të njëjtat kushte si Fury, të pafuqishëm ndaj ukrainasit.
“Nëse Fury vjen të përballet me Usyk në të njëjtën formë si ndaj Wilder, atëherë ai nuk ka asnjë shans të fitojë. Ose ato shanse do të jenë minimale. Kjo vlen edhe për Wilder, që janë shumë larg formës dhe forcës së ukrainasit. Të paktën në atë formë fizike siç ishin në përballjen mes tyre”, tha Krassyuk, që konfirmoi se Usyk do të duelojë në mars sërish ndaj Joshua.
