Verën e vitit të shkuar Tottenham bëri një goditje të madhe, teksa arriti të transferonte në Londër Tanguy Ndombele, duke derdhur në arkat e Lyon plot 60 milionë euro.
Pavarësisht bujës që pati si transferim, francezi nuk arriti thuajse për asnjë moment të shfaqte potencialin e tij dhe kur po afrohet merkato e verës, mediat nisin spekulimet e para për një largim të mundshëm.
23-vjeçari nuk është i lumtur te Tottenham dhe sipas mediave në Francë, janë 3 klube në garë për të. Manchester United, Chelsea dhe PSG janë të interesuar për të pasur në ekip Ndombelen, i cili duket se me Tottenham e ka mbyllur.