Më 12 shkurt, në eventin UFC-284 në artet marciale mikse do të zhvillohet sfida e madhe mes rusit Islam Makhachev dhe australianit Alexander Volkanovski. Të dy sportistët janë kampionë bote, i pari në peshën e lehtë (pesha deri 70kg) dhe i dyti në peshën “featherweight” (pesha deri 66kg).
Dueli do të zhvillohet në peshën e lehtë, me Makhachev që do të mbrojë për herë të parë titullin kampion bote që fitoi vjeshtën e vitit të kaluar. Dy sportistët kanë dalë sot për herë të parë “face fo face” dhe të dy mbanin gjerdanët e kampionit. Gjithçka shkoi qetë, pa ndonjë incident.
FACE 🏆 TO 🏆 FACE!@MAKHACHEVMMA and @AlexVolkanovski faced off in Sydney ahead of their superfight at #UFC284! pic.twitter.com/sn99NaD4Vb
— UFC_AUSNZ (@UFC_AUSNZ) January 22, 2023
Makhachev është i pamposhtur në karrierën e tij (12 fitore e 0 humbje), ndësa Volkanovski numëron 25 fitore e 1 humbje në kafaz. Ndaj, parashikohet një sfidë shumë e fortë dhe emocionuese, pasi do të përballen mes tyre dy nga luftëtarët më në formë aktualisht në MMA.
Sfida do të zhvillohet në Perth të Australisë, në shtëpinë e Volkanovski, që do të ketë edhe mbështetjen e fansave. Nuk dihet nëse rusi do të ketë me vete trajnerin e tij Khabib Nurmagomedov, që e kishte pranë kur u shpall kampion bote. Gjatë takimit, të dy luftëtarët premtuan se do të fitojnë.