E ardhmja e Jose Mourinho te skuadra e Manchester United është në fund. Drejtuesit e ekipit të United kanë vendosur të largojnë trajnerin portugez, duke zgjedhur edhe pasardhësin e tij. Ai është trajneri argjentinas Mauricio Pochettino, trajneri aktual i ekipit të Tottenham në Premier League. Dhe për ta shkëputur nga kontrata që ai ka me Spurs, presidenca e United është gati të paguajë 40 milionë stërlina, shuma e klauzolës për ta lënë atë të lirë. Pochettino verën e kaluar rinovoi me 5 vite kontratën, nga e cila përfiton 8 milionë stërlina në sezon.
Lajmin e këtij transferimi të bujshëm, që më shumë gjasa do të realizohet në fund të këtij sezoni, e ka konfirmuar e përditshmja britanike “The Sun”. Drejtuesit e Manchester United e konsiderojnë trajnerin argjentinas si personin e përshtatshëm për postin e këtij ekipi, duke parë përvojën e tij dhe faktin se e njëh mjaft mirë kampionatin anglez, ku ndodhet prej vitesh. Madje 46-vjeçari Pochettino mendohet se është alternativa e vetme për stolin e United sezonin e ri. Nën drejtimin e tij, Spurs kanë mbyllur 3 sezonet e fundit në “top-4” vendet e para, duke luajtur në Champions League.
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.
