Robin van Persie është prezantuar si futbollisti i ri i Fenerbahce, në pasditen e së martës, duke kompletuar përfundimisht kalimin e tij nga Manchester United në Stamboll. 31-vjeçari arriti në Turqi ditën e hënë dhe pasi firmosi një kontratë nga, e cila do të përfitojë 300 mijë euro në javë për tre vitet e ardhshme, ai u prezantua në stadiumin “Sukru Saracoglu”, në sytë e mijra tifozëve.

“Eshtë e bukur të shohësh sa shumë tifozët kanë ardhur sot për të më dhënë mirëseardhjen në familjen tuaj, - tha sulmuesi holandez duke iu drejtuar tifozëve. - Ju premtoj diçka: unë do të bëj gjithçka që kam fuqi që të ndihmojë Fernerbahcen të fitojë trofe, për t’iu lumturuar të gjithëve. Unë mendoj se duke fituar titullin do të festoni. Shpresoj të jem këtu në fund të sezonit për të festuar sërish, bashku me ju.”

Van Persie largohet nga “Old Traford”, pasi shënoi 58 gola në tre vjet. 30 nga këto gola i shënoi në kampionatin e vitit 2012-13, kur ishte futbollisti më i mirë te Manchester United, që fitoi titullin e 20-të në Premier League, gjatë sezonit të fundit në stol për Sir Alex Ferguson.

Ai është shpallur golashënuesi më i mirë në dy sezone të Premier League dhe United e bleu nga Arsenali për 30 milionë euro në vitin 2011. Van Persie ishte lider i padiskutueshëm kur ekipi drejtohej nga Ferguson. Me ardhjen e David Moyes roli i tij në skuadër erdhi duke u zbehur, ndërsa trajneri tjetër Louis van Gaal e nxori në shitje, si të panevojshëm.

Në Turqi, Van Persie do të luajë me ish-shokun e tij te United, Luis Nani, i cili gjithashtu iu bashkua Fenerbahces gjatë merkatos së verës. Nga ana tjetër, “djajtë” e Van Gaal kanë bërë tre blerje në tre ditët e fundit duke afruar në ekip Matteo Darmian, Bastian Schweinsteiger dhe Morgan Schneiderlin. Tani, United është vënë në kërkim të një qendërsulmuesi, pasi edhe Falcao është larguar.

Van Persie prezantohet: Dua trofe me Fenerbahce

14 Korrik 2015

19:00

Lajmet e fundit

Duke marrë artikujt

Lajme nga Futboll mix

Duke marrë artikujt

Lajme të tjera

Lajmet e fundit