Inter ka shpërdoruar një mundësi të artë për të rimarrë vendin e tretë në renditjen e Serisë A pas barazimit 2-2 të regjistruar mbrëmjen e sotme në fushën e Verona-s.
Ka nisur keq ndeshja e Bentegodi-t për zikaltrit, që e kanë parë veten në disavantazh pas golit të Lazovic në minutën e 2-të. Gjithsesi, milanezët kanë arritur të përmbysin gjithçka në pjesën e dytë me golin e Candreva-s në minutën e 49-të dhe autogolin e Dimarco-s në të 55-ën.
Hellas Verona 2-2 Inter pic.twitter.com/8kaE980tuB
— InterCoppaItaliaVids (@CoppaVids) July 9, 2020
Kur mendohej se skuadra e Conte-s do të merrte tri pikët, Veloso ka gjetur golin e barazimit për vendasit falë një asisti të yllit kosovar Rrahmani.
Janë ndezur gjakrat në stol gjatë ndeshjes, me Conte-n që ka pasur një përplasje me trajneri e Verona-s, Juric.
Pas një faulli të dhënë nga arbitri në favor të vendasve, pas një kontakti me Lukaku-t dhe Kumbullës, trajneri zikaltër ka bërtitur: “Çfarë faulli është?”.
Juric është ankuar dhe Conte i është përgjigjur ashpër: “Juric, mos na çaj tr… dhe mbylle gojën”. Trajneri i verdhebluve është kundërpërgjigjur: “Mbylle ti, po si guxon”.
Është dashur ndërhyrja e arbitrit të katërt për të ndarë dy trajnerët.
