Ish-mbrojtësi i Skënderbeut, Fidan Aliti, ka qenë vendimtar për skuadrën e Kalmarit. Ekipi i shqiptarit priste në shtëpi Ostersundsin dhe ndeshja u mbyll me rezultatin 1-1.
Pjesa e parë u mbyll me fitoren e miqve me rezultatin 0-1, ndërsa në të dytën një perlë e Alitit në të 46' barazoi shifrat. Shtatlartit i doli topi në dalje të zonës kundërshtare dhe me një silurë nga distanca e pushoi në rrjetë.
Një rezultat i mirë për skuadrën e tij, pasi ekipi kundërshtar lufton për kreun e klasifikimit. Kalmari nga krahu tjetër synon që të kapë mesin e artë dhe të mos rrezikojë rënien nga liga e parë.