Sulmuesi Gareth Bale ka kujtuar finalen kundër Liverpoolit në Champions League. Uellsiani ishte protagonist në finalen e fituar me rezultatin 3-1 në Kiev. Futbollisti ka postuar në Twitter golin e tij fantastik me roveshatë.
Ai shënoi dy gola, ndërsa kthesa e tij me roveshatë njihet më shumë nga gjithçka. 30-vjeçari u shpall dhe lojtari i ndeshjes duke merituar trofeun individual. Bale ka kujtuar dhe bisedën me portierin e Liverpoolit, Loris Karius, pas ndeshjes së fituar. Gjermani ishte antagonisti i anglezëve, pasi gaboi rëndë në dy gola.
“I thashë vetëm: ‘Mbaje kokën lart, gabimet ndodhin’. Fatkeqësisht ndodhi në finale, por mendoj se nuk ishte aq keq sa dukej, por realisht mendoja se ai do ta shpëtonte atë gjuajte”, – tha uellsiani.
Two years ago today 🏆💪🏼 #UCL pic.twitter.com/IKCa4jCcyx
— Gareth Bale (@GarethBale11) May 26, 2020
