Barcelona ka triumfuar pastër me shifrat 0-2 ndaj Cartagenas në testin e miqësor të zhvilluar pasditen e sotme. Shumë të rinj u testuan nga trajneri Valverde, teksa nuk munguan në fushë edhe lojtarë si Pique, Dembele apo Sergi Roberto dhe Firpo Junior.
Sfida u zgjidh në pjesën e dytë nga katalanasit, të cilët shënuan fillimisht me Carlos Perez në minutën e 64-të. Për të hipotekuar gjithçka mendoi i riu Marques, i cili u aktivizua në pjesën e dytë dhe arriti të gjente rrugën e rrjetës.