Video: Përmbysja e vitit! Monaco leksion PSG, shuplakë e fortë për kampionët

20 Nëntor 2020
23:00
Eraldo Harlicaj

Monaco, Monaco, Monaco! Ekipi vendas ka fituar me rezultatin 3-2 kundër kampionëve të PSG në një ndeshje krejtësisht të çmendur. Skuadra e Principatës po humbiste me rezultatin 0-2 në pjesën e parë, por kthyen sfidën në pjesën e dytë në 3-2.

Ndeshja nisi mjaft mirë për kampionët që pavarësisht mungesave arritën të mbyllin 45 minutat e para me fitoren 2-0. Mbappe realizoi fillimisht në minutën e 26′ pas një pasimi perfekt të Di Marias për 1-0. Dhjetë minuta më vonë, sulmuesi kryesor i kampionëve shënoi nga pika e penalltisë për 2-0. Rezultat që mbylli pjesën e parë.

Ndryshoi gjithçka në pjesën e dytë, pasi vendasit shpartalluan mbrojtjen e kampionëve. Reparti më problematik i PSG i dha dy herë mundësi Kevin Holland të barazonte shifrat. Futbollisti mposhti fillimisht Navasin në të 52′ dhe 66′ për 2-2.

Goli i fitores u shënua nga Cesc Fabregas. Mesfushoir realizoi nga pika e bardhë e penalltisë pas ndërhyrjes së gabuar të Diallos. Mbrojtësi la ekipin e tij me 10 lojtarë, pasi doli me të kuq. Monaco mori 3 pikët pas fitores 3-2 ndaj PSG. Ekipi i Principatës ngjitet në vendin e dytë me 20 pikë, 4 më pak se PSG.

Golat dhe momentet më të mira të ndeshjes

 

Lajme të tjera

Lajmet e fundit