Jaqueline Carvalho është ndër volejbollistet më të famshme në Brazil, por në një intervistë të saj të fundit gjërat nuk shkuan në mënyrën më të mirë të mundshme.
Sportistja 35-vjeçare ka qenë duke folur për mediet, teksa ishte si shikuese e një ndeshje volejbolli për meshkuj. Në mënyrë të papritur ajo ka humbur ndjenjat në lidhje direkt duke rënë përtokë në mënyrë të pashpjegueshme.
Gjithsesi Carvalho e kaloi paq këtë moment duke u kthyer e vetëdijshme, ndërsa mjekët shpjeguan se humbja e ndjenjave i është shkaktuar nga presioni i lartë i gjakut (tensioni).
Përveç volejbollit, braziliania cilësohet si një ndër sportistet më seksi, ku nuk nguron të tregojë format e saj perfekte që i arrin falë punës në palestër dhe sportit.