Skuadra e Vllaznisë në basketboll për meshkuj, përmes një postimi në rrjetet sociale, ka zyrtarizuar transferimin e basketbollistit 26-vjecar amerikan, Jordan Martin. 2.03 metra i gjatë, ai luan në pozicionin 5 (qendër).
Martin ka luajtur edhe në miqësoren e fundit që skuadra shkodrane zhvilloi ndaj ekipit malazez Studentski Centar Podgorica, duke bindur stafin drejtues. Për Vllazninë ardhja e Martin konsiderohet një përforcim i rëndësishëm për objektivat e klubit.
Basketbollisti amerikan ka përvojë në kampionatin portugez, rumun dhe së fundi në Kosovë (Peja), duke qenë edhe rival i shkodranëve në Ligën Ballkanike këtë sezon.
