Formula 1

Wolff: Sezonin tjetër do të shihni një Mercedes dhe Hamilton të ri

Të jemi realistë, Lewis ka pilotuar më fort dy garat e fundit, pasi fitoi titullin kampion. Kjo është diçka e çuditshme për një pilot, por në bisedat që bënim më tregonte se nuk ndihej i kënaqur vetëm me fitoren e titullit kampion për pilotë. Ai synonte që t’i jepte edhe makinës Mercedes titullin kampion, si një detyrim karshi nesh”, tha Toto Wolff, duke rrëfyer disa sekrete të pilotit britanik Lewis Hamilton, që këtë vit fitoi titullin e pestë kampion për pilotë.

Më tej, shefi i makinës Mercedes tha: “Lewis dukej më i lumtur pasi fituam titullin kampion për konstruktorë se sa kur fitoi titullin për pilotë. Nuk e hoqi këmbën nga gazi deri në momentin e fundit. Për mua ky është Lewis i ri, që do të shohim edhe në vitin 2019, fitues dhe që nuk dorëzohet deri në fund bashkë me makinën Mercedes”.

Edhe makina gjermane Mercedes fitoi titullin e pestë kampion radhazi për konstruktorë, duke konfirmuar dominimin e saj në Botërorin e Formula 1, ashtu sikurse bënte Ferrari një dekadë më parë me Michael Schumacher. Hamilton fitoi titullin kampion në Meksikë, dy gara para se të mbyllej Botërori.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Formula 1