Arsenal-i ka fituar 3-1 sfidën Champions kundër Manchester United në javën e 34-të të Premier League. Një rezultat që i jep një goditje të fortë shpresave të Djajve të Kuq për ta mbyllur kampionatin në vendin e katërt.
ARSENAL-MANCHESTER UNITED GOLI I XHAKES
Sfida e luajtur në Emirates Stadium është zhbllokuar pas vetëm tri minutash lojë me një gol të Tavarez, i cili ka shënuar për vendasit duke përfituar nga një pozicionim i keq i mbrojtjes mike.
Skuadra e Arteta-s ka dyfishuar avantazhin në minutën e 28-të me një penallti të Bukayo Saka, që është akorduar pas ndërhyrjes së sistemit VAR.
Takimi është rihapur në minutën e 34-t nga një gol i Cristiano Ronaldo-s, i cili ka arritur të shmangë mbulimin e dy mbrojtësve të Arsenal-it dhe ka dërguar topin në rrjetë me një goditje të bukur.
Me këtë gol, portugezi është bërë lojtari i parë në histori që ka shënuar plot 100 gola në La Liga dhe Premier League.
ARSENAL-MANCHESTER UNITED PERMBLEDHJA E NDESHJES
Pjesa e dytë ka filluar me një mundësi të artë për Manchester United. Djajtë e Kuq kanë fituar një penallti, edhe këtë herë pas ndërhyrjes së VAR, por goditja e Bruno Fernandes ka përfunduar në shtyllë.
VAR ka qenë protagonist edhe në minutën e 61-të, duke i anuluar një gol Cristiano Ronaldo-s për një pozicion jashtë loje milimetrik, një vendim ky që pritet të shkaktojë shumë polemika.
Momenti që ka vendosur takimin ka ardhur në minutën e 70-të, kur Xhaka ka befasuar De Gea-n me një goditje të jashtëzakonshme nga jashtë zone dhe ka fiskuar shifrat në 3-1.
Asnjë lojtar nuk ka shënuar më shumë gola në Premier League nga jashtë zone kundër Manchester United se sa Granit Xhaka (3 si Steven Gerrard, Les Ferdinand dhe Kevin Phillips).