Paulo Dybala ka kaluar një vit 2019 plot ulje-ngritje në klubin e tij dhe të papriturat priten edhe në muajt në vazhdim.
Ish-sulmuesi i Palermos është përfolur gjatë gjithë verës për një largim nga Juventusi sepse nuk bënte pjesë në planet e trajnerit Sarri.
Megjithatë, sulmuesi vendosi të qëndrojë megjithëse interesi për të ishte i madh. Që nga ai moment gjërat kanë ndryshuar për mirë për argjentinasin, sidomos pas paraqitjes së mirë ndaj Interit.
Nga një lojtar i padëshiruar, ai tani mund të kthehet në një titullar, që do të thotë se rinovimi i kontratës së tij është i pashmangshëm.
Këtë të paktën duan përfaqësuesit e lojtarit, por edhe klubi nuk është kundër, për të mos rrezikuar që ai të largohet me një çmim të ulët kur të jetë pranë fundit të kontratës aktuale e cila skadon më 2022.