Në margjinat e një eventi të fondacionit të tij, zv.presidenti i Interit, Javier Zanetti, foli për “Sky Sport”, duke komentuar fillimin e sezonit të Lautaro Martinez dhe shokëve të tij:

“Kanë mbetur edhe shumë ndeshje, por deri tani bilanci është mjaft pozitiv. Djemtë po bëjnë gjëra të jashtëzakonshme në Serie A dhe Champions League, ata gjithmonë demonstrojnë unitet grupi në çdo ndeshje.

Kjo është arritur falë punës së madhe të trajnerit dhe stafit të tij. Ne jemi një klub që jeton në të tashmen, mendon për të ardhmen dhe dëshiron të jetë gjithmonë konkurrues. Tani për tani po bëjmë gjëra të jashtëzakonshme.

Çfarë kundërshtari do të jetë Fiorentina? Do të jetë shumë e vështirë, sepse nuk është kurrë e lehtë në Firence. Do të përballemi me një ekip që ka të njëjtat pikë sa ne dhe dëshiron të jetë protagonist. Sigurisht që do të jetë një ndeshje shumë e vështirë”.