Kombëtarja amerikane e basketbollit, e famshmja “Dream Team”, e ka nisur me humbje aventurën e saj olimpike “Tokio 2020”. Amerika u mund 83-76 nga Franca në ndeshjen e vlefshme për Grupin A, ku bëjnë pjesë edhe Irani e Republika Çeke.
Kjo është humbja e parë e Amerikës në një Olimpiadë që nga viti 2004 (pas 17 vitesh), kur u mund në gjysmëfinale nga Argjentina. Në 3 edicionet e fundit olimpike, Amerika ka qenë superfuqi në këtë sport , duke marrë 3 medalje arid he asnjë humbje.
Gjithsesi, ky edicion ka nisur jo mirë për skuadrën e trajnerit Gregg Popovich, që edhe pse me yjet e NBA-së në përbërje nuk ka mundur të fitojë në sfidën e parë. Fournier me 28 pikë ishte shënuesi më i mirë për Francën.