Për shumicën e skuadrave në skenën europiane, sezoni ka përfunduar zyrtarisht. Prandaj mund të fillojë valsi i stolave që gjallëron skenën e futbollit çdo verë, veçanërisht klubet më të mira.
Këtu përfshihet edhe PSG, që shkarkoi Galtierin pasi fitoi Ligue 1, por dështoi në Champions League. Parisienët i kanë bërë një ofertë Zinedine Zidane, duke marrë një “jo” nga ai.
Edhe një herë, Zidane thuhet se refuzoi të bëhej trajneri i ri i PSG-së. Kështu raporton gazeta franceze “Le Parisien”, e cila shpjegon se si pas shkarkimit të Galtier, klubi parisien lëvizi në mënyrë të ngjashme me atë që bëri në vitin 2021, duke i propozuar stolin e skuadrës ish-trajnerit të Real Madridit.
Por edhe një herë, Zidane ka thënë “jo”, duke e bërë PSG-në të vihet në lëvizje për të marrë masa. Francezët duket se tani janë përqendruar te dy emra Nagelsmann dhe Xabi Alonso.
