Bayern Munich e ka shfrytëzuar kohën e pandemisë dhe mugnesës së futbollit për të blinduar kampionë dhe yje, duke programuar të ardhmen.
Pasi ka zyrtarizuar rinovimin e trajnerit Hansi Flick dhe Miroslav Klosen si ndihmës trajner, duke shtuar këtu kontratën e re të Davies dhe Thomas Mueller, radha ka qenë sot për portierin Manuel Neuer.
#FCBayern captain @Manuel_Neuer has extended his contract until 2023 ✍️#MiaSanMia #Neuer2023 pic.twitter.com/eDG20SIgCv
— FC Bayern English (@FCBayernEN) May 20, 2020
Edhe pse gjatë kësaj kohe ka pasur shumë dyshime mbi firmën e numrit “1”, rinovimi u bë zyrtar deri në vitin 2023 dhe do të ketë edhe një rritje rroge për gjermanin që ndodhet në Mynih prej vitit 2011.
Pra, duket se Neuer do të shkojë drejt mbylljes së karrierës te Bayern. Rummenige e cilësoi si “portieri më i mirë në botë dhe kapiteni ynë”.
Vetë gardiani tha se “gjatë pandemisë dhe ndërprerjes së futbollit ende nuk dija se çfarë do të bëja dhe po reflektoja. Tani mora një vendim”.