Trajneri Ilir Daja i ka dhënë fund me Flamurtarin. Lajmi i largimit të tij flitej prej ditësh, por tashmë ka ardhur dhe konfirmimi zyrtar nga vetë tekniku.
Numri një i stolit përjetoi një sezon shumë të vështirë, por bëri mjaft mirë. Puna e tij mund të konsiderohet pa frikë heroike, duke parë se ekipi nuk ishte paguar prej muajsh dhe garoi deri në fund për Europë, e arriti dhe nuk u licencua dot.
Trajneri ka falenderuar tifozët e Flamurtarit dhe drejtuesit me anë të një shkrimi të gjatë në "Facebook"-un e tij e personal. Ai largohet pa polemika, por me falenderime dhe inkurajime për drejtuesit e Bashkisë dhe vlonjatët vetë.