Turqia, që hyri në kalendarin e botërorit 2021 të Formula 1 si pistë zëvendësuese e garës së Kanadasë, është detyruar të ngrejë gjithashtu “flamurin e bardhë”. Formula 1 ka bërë me dije se gara e planifikuar të zhvillohej në Stamboll më 13 qershor është anulluar për shkak të pandemisë dhe masave anti-Covid.
Kjo ka sjellë një modifikim të kalendarit për periudhën qershor-korrik. Kështu, pas garës së Baku (Azerbajxhan, më datën 6 qershor), do të zhvillohet gara e Francës, në pistën e Le Castellet (20 qershor). Më pas, më 27 qershor dhe 4 korrik, do të garohet dy herë në Austri, në pistën e Red Bull Ring Spielberg).
Kalendari i ri
6 qershor, Baku (Azerbajxhan)
20 qershor, Le Castellet (Francë)
27 qershor, Spielberg (Austri)
4 korrik, Spielberg (Austri)