Në një kohë që klubet e Superiores kanë nisur pushimet, ose po bëjnë namin në media me emra merkatoje që shpesh janë të shpikur, Laçi vepron ndryshe, siç e ka traditë.
Pa zhurmë, kurbinasit kanë nisur të organizohen për pjesëmarrjen në Europa League dhe sot kanë zyrtarizuar goditjen e parë, të papritur dhe të bujshme.
Bëhet fjalë për sulmuesin Kyrian Nwabueze, 26-vjeçar, i cili prej janarit ka qenë pjesë e Dritës, duke shënuar 7 gola e dhënë 1 asist.
Në pjesën e parë të sezonit nigeriani-amerikani ishte pjesë e Pobedas në Maqedoni, ku pati rendiment shumë të mirë, por u largua për probleme financiare. Tani vjen kapërcimi i radhës, me Laçin në Europa League.