Përmes një postimi në rrjetet sociale, UFC ka zyrtarizuar duelin mes irlandezit Conor McGregor dhe amerikanit Dustin Poirier. Dy sportistët do të duelojnë në eventin UFC-257, që do të zhvillohet më 23 janar në Abu Dhabi, në “fight island”
Revanshi mes dy sportistëve (McGregor ka fituar duelin e parë mes tyre) do të zhvillohet në peshën e lehtë dhe kjo përballje do të jetë sfida kryesore e mbrëmjes. McGregor,22 fitore e 4 humbje, rikthehet në kafaz një vit pas duelit të fundit, në janar të këtij viti. Ndërsa Poirier numëron 26 fitore, 6 humbje e 1 duel pa rezultat.
Sfida mes tyre nuk do të jetë e vlefshme për titullin kampion edhe pse në këtë peshë Khabib Nurmagomedov deklaroi tërheqjen nga sporti. Në këtë event pritet të zhvillohen edhe dy duele të rëndësishme për femra.
BREAKING: Conor McGregor (@thenotoriousmma) has signed his bout agreement for his rematch with Dustin Poirier for January 23. pic.twitter.com/2Pmh4MdZyj
— TheMacLife (@Maclifeofficial) November 19, 2020