Në pritje të zyrtarizimit të Premier League në datën 17 qershor, prioriteti tjetër është trofeu më i vjetër në botë, FA Cup, që më në fund ka një datë: do të rikthehet në 27 qershor, me takimet çerekfinale që do të luhen atë datë dhe një ditën më pas, pra me 28 qershor.
Leicester-Chelsea
Newcastle-Manchester City
Sheffield United-Arsenal
Norwich-Manchester United
Some provisional dates for your diary… 👀#EmiratesFACup
— The Emirates FA Cup (@EmiratesFACup) May 29, 2020
Sa i përket fazës gjysmëfinale, datat e programuara për të zbritur në fushë janë 11 dhe 12 korrik, ndërsa finalja luhet me 1 gusht.
Në lidhje me këtë vendim ka folur edhe shefi ekzekutiv i FA Cup, Mark Bullingham: “Konkurrenca ka qenë pjesë integrale e futbolli anglez për gati 150 vite dhe do dëshironim të falënderonim klubet e Premier League për mbështetjen e tyre në caktimin e datave për ndeshjet e mbetura në një periudhë të paprecedentë.
Ka qenë një periudhë e vështirë për shumë njerëz dhe ky është një hap pozitiv. Shëndeti dhe mirëqenia e lojtarëve, stafit dhe mbështetësve mbetet prioriteti ynë”.
