Ndeshja e sotme kundër Finlandës në Nations League do të jetë sfida e 100-të me fanellën e kombëtares për sulmuesin Harry Kane. Ai është edhe golashënuesi më i mirë i Anglisë, me 66 gola. Numra të rëndësishëm për një lojtar të rëndësishëm.

Harry Kane është i emocionuar përpara ndeshjes së sotme, ku do të nderohet para ndeshjes simbolike me “3 luanët”: “Është vërtet e veçantë. Mendoj se është e vështirë ta marrësh veten gjatë lojës kur vijnë këto momente”.

“Kjo është ajo për të cilën jam jashtëzakonisht krenar. Tregon qëndrueshmëri të madhe me kalimin e kohës. Kur shikoni listën e lojtarëve me 100 ndeshje, është një listë e disa prej lojtarëve tanë më të mëdhenj”, tha më tej Kane.

Në fund, sulmuesi i bayern shtoi: “Jam i sigurt që kur të dal në pension do ta shikoj këtë me krenari të jashtëzakonshme. Ndihem në formë të shkëlqyer, fizikisht dhe mendërisht, në kulmin e karrierës sime”.

“Duke parë Ronaldon të shënojë golin e tij të 901-të në moshën 39-vjeçare, më frymëzon të luaj sa më gjatë. Më pëlqen të përfaqësoj Anglinë më shumë se çdo gjë dhe nuk dua që kjo të përfundojë së shpejti. Është thjesht të vazhdosh të përmirësohesh dhe të jesh konsistent. Kush e di se sa paraqitje apo gola mund të shënoj, por jam i uritur për më shumë”, tha Harry Kane.

Më tek, ai shtoi: “Ronaldo dhe Messi janë njerëz që i admirova kur u rrita, ata ishin në kulmin e tyre kur unë isha adoleshent. Ata të dy ishin një burim frymëzimi për mua. Të kesh atë uri, atë dëshirë, atë vendosmëri dhe atë dëshirë për t’u treguar të tjerëve gabim dhe për t’i provuar vetes se mund të jesh më i miri që mund të jesh”.

“Mundohem të përdor lojtarë të ndryshëm për të më motivuar. Të shënosh mbi 900 gola në karrierë është një rekord i jashtëzakonshëm dhe të luash deri në atë moshë është vërtet frymëzuese”, tha sulmuesi anglez.