-138 milionë euro, e pabesueshme ajo që ka ndodhur me Eden Hazard

29 Shtator 2022
9:59
Denis Hakanaj

Shtatë gola dhe njëmbëdhjetë asiste në 70 paraqitje, plus një seri dënmtimesh që e kanë kufizuar shumë aktivizimin e tij. Ndikimi i Eden Hazard te Real Madrid nuk ishte aq sa pritej kur Los Blancos vendosën ta blinin në 2019-ën për 100 milionë euro.

Dhe shkoi edhe më keq kur filluan të dalin shifrat që sipas gazetave spanjolle janë shpenzuar vërtetë për belgun: 150 milionë euro në total, plus rrogën e numrit 7.

Në fund të fundit, dikush mund të thotë, kjo ishte vlera e tregut e numrit 10 të atëhershëm të Chelsea-t, i cili sapo kishte kontribuar në fitoren e ekipit të Sarrit në Europa League, pavarësisht se lojtarit i kishte mbetur vetëm një vit nga kontrata e tij në Stamford Bridge.

MINUS 138 MILIONË

Nga ajo ditë, 19 qershori i tre viteve më parë, vlera e Hazard në merkato, siç shpjegohet nga AS duke cituar Transfermarkt, ka rënë ndjeshëm.

Në atë kohë, faqja e famshme e transfertave e vlerësoi atë pikërisht me shumën që Real Madrid pagoi për ta marrë, 150 milionë euro. Por tani, me vlerat më të përditësuara së fundmi, ajo ka rënë në vetëm 12 milionë euro.

Një zhvlerësim prej 138 milionë eurosh, praktikisht më shumë se 90% e shumës totale të shpenzuar për të. Dhe madje në krahasim me përditësimin e parë si lojtar i Los Blancos, i cili mbërriti në dhjetor 2019, i cili e pa atë në 120 milionë, tani numri 7 vlen njëqind më pak.

Jo saktësisht përkufizimi i një operacioni të mirë, siç mund të shihet edhe nga pozicionet në listat e lojtarëve më të vlefshëm: në ekipin e tij ai është në numrin 16, ndërsa mes të gjithë lojtarëve në La Liga është edhe jashtë 100 të parëve .

KRITIKA

Një dështim i çmendur, duke marrë parasysh se belgu duhej të zëvendësonte në imagjinatën kolektive të tifozëve të Real-it, Cristiano Ronaldo-n, të cilit i mori edhe numrin e fanellës. Megjithatë, shifrat, si ato brenda dhe jashtë fushës, tregojnë një histori tjetër.

Mund të thuhet se secili nga shtatë golat i kushtoi Blancos plot njëzet milionë. E ndërkohë nuk kanë munguar kritikat, si gjithmonë për peshën e lojtarit, i cili herë pas here të jep përshtypjen se nuk është tamam në formën më të mirë të mundshme.

Si Zidane, ashtu edhe së fundmi Ancelotti kanë deklaruar gjithmonë se kanë një vlerësim shumë të lartë për ish-yllin e Chelsea-t, por në Madrid shumë janë përfundimisht të bindur se nuk ishte një ide e mirë për ta sjellë atë në Bernabeu. Dhe nëse bëhen llogaritë, është e vështirë t’i kundërshtosh.

Lajme të tjera

Lajmet e fundit