17 shtator 2000, Leo Messi mbërriti në Katalonjë i shoqëruar nga babai i tij. Ëndrra e tij ishte të nënshkruante për Barcelonën, kur ishte vetëm 13 vjeç. Nuk ishte e lehtë, por më në fund hyri në ekipin e fëmijëve. Prej atëherë u formua ai që është ndoshta futbollisti më i mirë në botë dhe një nga më të mëdhenjtë në histori. 20 vite më vonë, ai ka fituar gjithçka me Barcelonën, si kolektivisht, ashtu edhe individualisht.
Është historia e një kampioni të madh, që jo vetëm i arriti, por i tejkaloi në mënyrë të paimagjinueshme të gjitha ëndrrat, me të cilat udhëtoi nga Rosario atë ditë. Ai ishte i gjatë 1.48 metra, por talenti dukej qartë, mbizotëronte në shtatin e tij të vogël. Nga kontrata e parë tek aktualja, që mbaron verën e vitit të ardhshëm, ka ndryshuar historia e tij dhe e Barcelonës. Plot dy dekada me suksese dhe rekorde, që po mundohemi t’i paraqesim hap pas hapi përmes info-grafikëve të mëposhtëm: