Ish-sulmuesi Miroslav Klose, duke folur për “Sky”, e komentoi kështu suksesin e Borussia Dortmundit ndaj PSG-së, në të dyja gjysmëfinalet e Ligës së Kampionëve.
Çfarë kishte më shumë Dortmundi?
Besoi shumë te vetja, nuk i la shumë hapësirë PSG-së. Mbappé humbi 11 topa në pjesën e parë. Pas 1-0 besoi më shumë te finalja e madhe. Parizienët goditën 6 herë shtyllat e portës kundërshtare, në futboll duhet edhe pak fat.
Finale e gjitha gjermane…
Shpresoj që edhe Bayerni t’ia dalë mbanë në Madrid. Ka pasur tashmë një finale Champions-i e gjitha gjermane, le të shohim.
Çfarë ka më shumë Hummels?
Përvojën, me topin mund të luajë mjaft saktë. Ka pasime themelore dhe qetësi në duele. Sa më shumë të afrohet kundërshtari, aq më shumë hapësirë mbulon. Kam luajtur shumë ndeshje me të, më pëlqen shumë si mbrojtës.
Ndeshje e çmendur e Fullkrug…
Ai nuk shënoi për 8, 9 ndeshje dhe të gjithë folën keq për të. Tani mund ta shihni se ku ka arritur, kjo ndodh vetëm nëse keni shokë skuadre që besojnë te ju.
Terzic, një trajner-tifoz që e çon Dortmundin në finale…
Emocion total. Ai është një djalë i Dortmundit, jam shumë i lumtur. Në fillim të vitit donin ta largonin, jam i lumtur që i dhanë qetësi. Ai punon shumë dhe mund ta shihni se ku ka arritur.
