Jan Virgili duhket se do të rikthehet te Barcelona. vetëm pas një sezoni te Mallorca. Anësori 19-vjeçar u shit verën e kaluar për 3.5 milionë euro, por Barcelona mbajti një përqindje të konsiderueshme mbi të drejtat e tij.

Fillimisht, klauzola e vendosur nga Mallorca ishte 30 milionë euro, tani që klubi ra në Segunda Divizion, klauzola shkon në 12 milionë euro për ekipet e tjera. Për Barcelonën, për shkak të marrëveshjes së bërë vitin e kaluar, shkon 7.2 milionë euro.

Në 31 ndeshje me Mallorca-n sezonin e kaluar, Virgili kontriboi me 2 gola dhe 6 asiste. Te Barcelona janë të bindur për aftësitë dhe cilësitë e anësorit, ndaj duan ta rikthejnë që tani në skuadër, pasi më vonë do t’i rritet ndjeshëm vlera.