Nëse ka një gjë që e karakterizon Zlatan Ibrahimovicin dhe e dallon nga të tjerët, është sinqeriteti dhe mënyra e tij shumë e drejtpërdrejtë e të thënit të gjërave troç. Të njëjtën gjë bëri edhe mbrëmë në pushim të pjesës së parë në sfidën mes Norvegjisë dhe Anglisë. Tashmë në rolin e komentatorit për FOX Sport bashkë me Thierry Henry, suedezi kritikoi haptazi Noni Madueke.
“Madueke ka qenë në fushë dhe duhet të them se sa herë që prek topin, merr vendimin e gabuar dhe thjesht endet nëpër fushë. Nëse do të isha Tuchel, do ta ndryshoja, sepse nuk bëri absolutisht asgjë në pjesën e parë. As ndërprerja e hidratimit nuk ndryshoi asgjë. Dhe nuk ka luajtur shumë. Ai luajti, por jo si titullar, kështu që po luajnë me një lojtar më pak”, tha Ibrahimovic.
Në anën tjetër, vështrimi i Henry është bërë viral. Francezi nuk komentoi fare këtë deklaratë të Ibrahimovicit, por ishte shikimi i tij që foli më shumë në këtë rast…
Noni Madueke got cooked by Zlatan Ibrahimovic😂 pic.twitter.com/iCaaUmgJ1y
— Tunji💙 (@yfOlatunji) July 12, 2026
